O‘zbekiston va Saudiya Arabistoni: "Yashil" energetika va strategik investitsiyalarning yangi davri

O‘zbekiston va Saudiya Arabistoni: "Yashil" energetika va strategik investitsiyalarning yangi davri

TOSHKENT, 17-iyun. Yangi O‘zbekistonda yaratilgan shaffof sarmoyaviy muhit va Prezident Shavkat Mirziyoyev tomonidan kafolatlangan ochiq eshiklar siyosati global iqtisodiyot gigantlarini mamlakatimizga jalb etishda davom etmoqda. Ptaxtimizda o'tkazilayotgan Toshkent xalqaro investitsiya forumi (TXIF) doirasida arab dunyosining yirik sarmoyadorlari bilan o'tkazilayotgan sermahsul muloqotlar buning yorqin tasdig'idir.

17-iyun kuni Oʻzbekiston Respublikasi Prezidenti Shavkat Mirziyoyev TXIF doirasida mamlakatimizga tashrif buyurgan Oʻzbekiston – Saudiya Ishbilarmonlar kengashi hamraisi, global miqyosdagi nufuzli “ACWA” kompaniyasi boshqaruvi raisi Muhammad Abunayyanni qabul qildi.

Arab sarmoyasi va yuksak ishonch

Oliy darajadagi muloqotda Saudiya Arabistoni ishbilarmonlari bilan hamkorlikni yanada kengaytirish va iqtisodiyotimiz uchun g'oyat muhim bo'lgan ustuvor loyihalarni tezkorlik bilan amalga oshirish masalalari atroflicha koʻrib chiqildi. Davlat rahbari ta'kidlaganidek, Saudiyaning “ACWA” va boshqa yetakchi kompaniyalari bilan o'rnatilgan sermahsul sheriklik O'zbekiston iqtisodiyotining barqaror rivojiga xizmat qilmoqda. Quvonarlisi shundaki, ayni shu forum doirasida ikki davlat ishbilarmonlari o'rtasida yana bir qator yirik investitsiyaviy kelishuvlarga erishildi.

Istiqbolli sohalar: "Yashil" iqtisodiyotdan turizmgacha

Uchrashuvning eng muhim kun tartibi mamlakatimizning kelajakdagi iqtisodiy qiyofasini belgilab beruvchi strategik tarmoqlarga bag'ishlandi. Xususan:

• “Yashil” energetika: Qayta tiklanuvchi energiya manbalarini rivojlantirish va energetika mustaqilligini ta'minlash yo'lidagi yirik stansiyalar qurilishi;

• Sogʻliqni saqlash va Infratuzilma: Aholi turmush tarzini yaxshilashga qaratilgan zamonaviy tibbiyot va muhandislik tarmoqlari loyihalari;

• Transport va Turizm: O'zbekistonning tranzit salohiyatini oshirish hamda xalqaro sayyohlar oqimini kengaytirish.

Muzokaralar yakunida ushbu yoʻnalishlardagi mavjud loyihalarni jadal sur'atlarda amalga oshirish hamda yangi istiqbolli tashabbuslarni ilgari surish bo'yicha mustahkam bitimlar tasdiqlandi. Bu uchrashuv O'zbekistonning iqtisodiy diplomatiyasidagi yana bir g'alabali sahifa bo'lib tarixda qoladi.