23 may kuni boʼlib oʼtgan matbuot anjumanida Sogʼliqni saqlash davlat sanitariya-epidemiologiya xizmati boshligʼi oʼrinbosari, tibbiyot fanlari doktori Nurmat Otabekov Oʼzbekistonda maymunchechak kasalligi aniqlangan taqdirda amalga oshirilayotgan chora-tadbirlar haqida gapirdi.
Otabekovning soʼzlariga koʼra, kasallik boshlanganidan keyin ham karantinni tashkil qilishning hojati yoʼq.
Hech qanday shifoxonani bu kasallikka moslashtirib yoki alohida shifoxona tashkil qilishdan foyda yoʼq. Chunki Oʼzbekistonda 1980 yilgacha tugʼilganlarning barchasi ushbu kasallikka qarshi emlangan. Yaʼni, hozirda mamlakatimiz aholisining 50 foizi immunitetni emlash orqali shakllantirmoqda. Bu holatda kasallik ommaviy epidemiya koʼrinishida tarqalib ketmaydi, — dedi mutaxassis.
