Normativ-huquqiy hujjatlar loyihalari muhokamasi portaliga “Oliy taʼlim sohasidagi xizmatlari uchun” hamda “Oʼrta maxsus va professional taʼlim sohasidagi xizmatlari uchun” koʼkrak nishonlari taʼsis etish toʼgʼrisida»gi Vazirlar Mahkamasi qarori loyihasi muhokamaga qoʼyildi.
Qaror loyihasiga koʼra:
“Oliy taʼlim sohasidagi xizmatlari uchun” hamda “Oʼrta maxsus va professional taʼlim sohasidagi xizmatlari uchun” koʼkrak nishonlari taʼsis etiladi;
Koʼkrak nishonlari 1 oktyabr– Oʼqituvchi va murabbiylar kuni bayrami arafasida oʼz egalariga topshiriladi;
Koʼkrak nishonlari bilan mukofotlash Oʼzbekiston Respublikasi Oliy va oʼrta maxsus taʼlim vaziri buyrugʼi asosida amalga oshiriladi.
